Isang mabusising Gabay kung paano makapasok sa isang pampublikong paaralan

 

Part 1: Pagpapasa ng Requirement

 

Wala ka bang mapagtanungan kung paano mag-apply sa public school? Wala ka bang malapitan? Kung ganon, parehas tayo ng naranasan haha. Ganyan din ako last year, buti nalang may nagmandang loob na nagbahagi saking ng buong proseso ng pagpapa-rank. Ayun, bilang ganti, ibabahagi ko din sa inyo. So, kung wala ka din matanungan, para sa iyo ang guide na ito HAHA

 

DISCLAIMER: Eto yung experience ko from my ranking last 2017. So pwedeng magkaroon ng slight differences yung process and requirement this year.

 

Kung nahahabaan ka sa paliwanag na ito, maari mo ring panoorin ang video na ginawa ko tungkol dito:

Sooooooo January na! Kung plano mong sumubok na mag-apply sa isang public school (AKA magpa-rank) eto na ang tamang panahon. Karaniwang nagsisimula ang application process sa DepEd nang mga gantong panahon. Base kase sa aking naranasan, ganito ang rough schedule ng application process:

 

• JANUARY – pagpapasa ng requirements at iba pang documents
• FEBRUARY – scheduled demonstration teaching and interview
• MARCH – English examinations (AKA EPT – English Proficiency Test)
• MAY – release ng RQA (registry of qualified applicant)

 

OK! So ano ba ang una mong dapat gawin? Una, pumunta ka sa pinakamalapit na school (or yung school na gusto mong pagturuan) sa inyong lugar. Mas malapit mas maganda. Hindi naman kasi porke dun ka sa school na yun nagdemo at nainterview, dun ka na mapupunta. Mas malaki din ang possibility na kahit makapasa ka sa ranking, sa ibang school ka padin mapunta. Lalo na kapag full na yung teachers sa school na pinag-apply-an mo or hindi nila kailangan yung majorship mo (ouch).

 

So ayun, pag punta mo sa school, lapit ka either sa principal or sa head teacher, sila kasi ang nakakaalam ng schedule at requirements for applying. Parang sila ang HR ng mga school. Most probably, bibigyan ka nila ng checklist ng mga kailangan mong ipasa, na ililista ko padin sa ibaba.

 

[NOTE: itanong mo na din kung anong preference nila sa folder, kung short ba o long, kung paper folder ba o yung sliding folder. In my case, long na sliding folder ang ginamit ko, dahil lahat ng documents at requirements ay naka-print o naka-xerox sa long na papel.]

 

Pag nag-search kayo online, may makikita din kayong iba pang listahan ng requirements for applying. Pero eto, ililista ko yung requirements na dapat ipasa based dun sa application requirement na binigay sakin last year. After the list, ipapaliwanag ko isa-isa kung ano yun at kung saan kukunin.

 

Soooo, eto na ang listahan na dapat mong ilagay.

1. Table of Contents
2. Letter of intent (aka cover letter)
3. Resume
4. CSC Form 212 (aka PDS – Personal Data Sheet)
5. PRC License – photocopy
6. LET Rating – photocopy
7. Transcript of Record (aka TOR) – photocopy
8. Service Records (aka certificate of employment) – photocopy
9. Specialized Trainings and Seminars Certificates – photocopy
10. Voters ID or COMELEC Certification – photocopy
11. NBI Clearance – photocopy
12. Omnibus Certification of authenticity and veracity of all documents submitted

 

[Sa ibang listahan na na-search ko dati online, may mga iba pang karagdagan na requirements, tulad ng birth certificate, bir forms 1902, at iba pa. Siguro sa ibang school ganun.]

 

PAGKUHA NG UNIQUE APPLICATION NUMBER (aka UAN)

Una, dapat kang mag-secure ng UAN o Unique Application Number. Para makakuha ka neto, kailangan mong pumunta sa application.deped.gov.ph. Click mo yung apply and gumawa ka ng account sa site na ito, gamitin mo na yung email na lagi mong ginagamit. Pagkatapos mong gumawa ng account, pindutin mo yung “UPDATE PDS” at kumpletuuhin mo ang pag-pi-fill ng form. After mo makumpleto yung PDS form, mag-submit ka ng application.

Piliin mo sa Office Level: DIVISION

Piliin mo sa CO Strand/Region: (kung saang region ka)

Piliin mo sa CO Bureau/Service/Office - Division/Division Office: (kung saang city ka or province)

Piliin mo sa Position: Teacher (Entry Level)

Tapos click mo yung next, sundin mo lang yung instruction, then lalabas na yung applicant number mo.

 

 

LIST OF REQUIREMENTS

 

 

TABLE OF CONTENTS

Ilista mo lang yung mga requirements na laman ng folder mo. Bukod sa magiging organized yung folder mo, gaganda pa lalo na kapag transparent na sliding folder ang gamit mo.

 

LETTER OF INTENT

Eto yung cover letter, na nagpapahayag ng iyong intension na mag-apply at kung bakit ka nila dapat tanggapin. So dito mo ibibida yung mga qualifications at about sayo na hindi nila makikita sa resume mo.

 

RESUME

Syempre, kailangan mo ng isang malupet na resume. Ibida mo na lahat ng skills, experience at qualifications at iba pa. Dahil baguhan lang tayo, mas slick tignan pag one-page lang yung resume natin. Ang tanong, kasya ba? Haha, kasya yan.

 

CSC FORM 212 (AKA PDS – PERSONAL DATA SHEET)

Eto na yung isa sa pinakamatrabahong gawin, ang PDS o personal data sheet. Bale, four pages yan, na kapag pinrint ay back-to-back. Actually, pwede mong madownload ang form na ito. Pero diba, sabi ko kanina, pwede mo itong i-download sa DepEd Application Site? Oo. Pero mas maayos i-print kapag galing sa excel template ang ipi-print mo. Kailangan mo din pala ng cedula para sa PDS. Ilalagay mo kasi sa form yung community tax certificate number.

 

PRC LICENSE – PHOTOCOPY

By this time, siguro natanggap nyo na yung PRC ID diba? Kahit September taker eh dapat nakuha na yung lisensya by this time. So ipo-photocopy lang yung ID back to back, sa isang page lang. Siguraduhin nyo na may pirma na yung likod nung lisensya nyo. Orayt.

 

LET RATING – PHOTOCOPY

Ayun, ipo-photocopy nyo lang din yung rating na nakuha nyo sa LET. Eto yung paper na nakalagay yung score mo dun sa tatlong area nung exam at yung general average mo.

 

TRANSCRIPT OF RECORD (AKA TOR) – PHOTOCOPY

Eto naman yung kopya nung mga grades nung college. Kailangan mo lang ipa-photocopy kung ilang pages man yung TOR ng school nyo. Ngayon, swerte kayo kung may computation ng GPA/GWA yung TOR mo. Kung wala, ayun ilalagay mo sa margin nung TOR yung computation ng GWA mo. HAHA. Katulad nung sakin, sa PNU walang GWA yung TOR kaya manually ko pa ki-nompute. (NOTE: Baka ayaw nung panel nyo na may sulat yung TOR at nasa separate sheet of paper yung computation, kaya magprepare na kayo ng may GWA at walang GWA)

 

SERVICE RECORDS (AKA CERTIFICATE OF EMPLOYMENT) – PHOTOCOPY

Kung meron ka nang ibang teaching experience, at meron kang Certificate of Employement or COE, i-photocopy mo lang. Kung may kasama syang Good Moral, Clearance, etc, isama mo na rin para sure.

(kapag kasalukuyan kang employed halimbawa sa isang private school, maglagay ka nalang ng letter informing the panel na may current work ka, at ang contract mo ay hanggang anong date lang, at magkakaroon ka ng service record soon at to follow na lang. Eto yung sample letter attachment na pwede mong ilagay

 

SPECIALIZED TRAININGS AND SEMINARS CERTIFICATES – PHOTOCOPY

Eto naman yung mga seminars na na-attendan mo. Sinubukan kong isama yung mga seminars na inantendan ko nung college pa lang ako. HAHA, di ko sure kung na-counted sya. Kase, kumuha ako ng National Certificate o yung NC na tinatawag nila na galing sa TESDA. Advise to ng isang teacher dun sa school, dahil ka0opllllpag may NC ka, ayun, malaki na agad ang points nun sa ranking.

Kapag kasalukuyan kang nag-te-training sa TESDA or any vocational institutions, at inaasahan mo na magkakaroon ka ng National Certificate, maglagay ka nalang ng letter informing the panel na magkakaroon ka ng specialized training at to follow na lang, 10 points yan bes pag may National certificate ka.

 

VOTERS ID OR COMELEC CERTIFICATION – PHOTOCOPY

Katulad nung PRC ID, photocopy mo lang din back-to-back sa isang page ang Voter’s ID mo. Ang naging problema ko neto ay hindi pa issued ang voters ID ko (kabagal ba naman ng proseso sa Pinas). Kaya kailangan mong kumuha ng “voter’s certification” sa local Comelec or munisipyo sa lugar nyo. Huling kuha ko ay 50 pesos, dalawang kopya na. Pero kung hindi ka pa registered, siguro magparegister ka at sabay magpa-issue ka ng certification.

 

NBI CLEARANCE – PHOTOCOPY

Isa din sa kailangan ay ang NBI clearance. Kung wala ka pang clearance, kumuha ka na syempre, haha. Kung meron ka na, i-check mo muna kung valid pa din yan, Kase alam ko 1 year lang validity ng mga NBI clearance eh. Medyo tricky na ang pagkuha ng NBI clearance ngayon, haha, kailangan mo pang mag-apply online, magpa-schedule, tapos punta sa pinakamalapit na NBI Office sa lugar nyo.

Eto ang website ng reservation sa para sa pagkuha ng NBI Clearance

Website ng NBI Clearance: www.clearance.nbi.gov.ph

 

OMNIBUS CERTIFICATION OF AUTHENTICITY AND VERACITY OF ALL DOCUMENTS SUBMITTED

Eto yung document na sumusumpa ka sa langit at lupa, na lahat ng ipinasa mong requirement ay legit at legal. HAHA. So eto, kailangan mo lang mag-download ng template, fill-out mo, ng info mo, tapos dadalin mo sa notary public lahat ng requirements mo. Lalagyan kasi nila ng seal lahat ng documents mo kasama na etong Omnibus sa dulo ng papeles.

 

AFTER THAT, YOU’RE SET. Good to go ka na! Ipasa na yan sa school kung saan mo gusto magpaevaluate (demo and interview). Tandaan lang na hindi porke’t dun ka sa school na yun nag-apply ay doon ka na mapupunta. HAHA

 

After mong magpasa ng requirements (2 copies), hantayin mong tumawag yung school na pinagpasahan mo. Laging dalin ang phone, hehe. Once na tumawag, take note mo yung:

• Date at time ng demo, na karaniwang date na din ng interview. In my experience, after ko magdemo, kasunod na agad yung interview.
• Kung anong topic ba ang dapat mong i-demo, kung ilang oras ang demo (na karaniwang isang oras, kasi sa estudyante ka mismo magde-demo)

 

GOOD LUCK SIR/MA’AM. Kayang kaya nyo yan :)